Klabu ya Simba SC imekamilisha usajili wa kiungo mshambuliaji, Mohamed Bajaber, raia wa Kenya mwenye asili ya Kiingereza, ambaye amewahi kupitia akademia ya West Ham United. Usajili huu ni sehemu ya mikakati ya mabingwa hao wa soka nchini Tanzania kuimarisha kikosi chao kuelekea msimu mpya wa Ligi Kuu ya NBC na mashindano ya kimataifa.
Bajaber, mwenye umri wa miaka 21, ni mchezaji mwenye kasi, mbunifu na uwezo mkubwa wa kutoa pasi za mwisho. Ujio wake unatazamiwa kuongeza ushindani katika eneo la kiungo cha ushambuliaji, huku mashabiki wa Wekundu wa Msimbazi wakimsubiri kwa hamu kumuona akionesha makali yake.
Kupitia kurasa rasmi za Simba SC, klabu imemkaribisha Bajaber kwa maneno ya matumaini makubwa, ikimtaja kama nyongeza muhimu katika safari ya mafanikio ya klabu hiyo. Mashabiki nao wameonesha hisia mseto, wengi wakiamini kuwa kijana huyo anaweza kuwa chachu mpya ya ushindi.
Instagram
Facebook
Hakuna maoni:
Chapisha Maoni