GOLKIPA PETER MANYIKA AFARIKI DUNIA

TANZIA

 Leo asubuhi, dunia ya soka nchini Tanzania imepoteza mmoja wa wachezaji wake hodari na wa kipekee, Peter Manyika, golikipa wa zamani wa Yanga na Taifa Stars, ambaye alifariki dunia katika Hospitali ya St. Monica, Jijini Dar es Salaam.

Peter Manyika alitambulika si tu kwa uhodari wake uwanjani, bali pia kwa mchango wake mkubwa katika ukuzaji wa wachezaji chipukizi. Enzi za uhai wake, aliwahi kuwa kocha wa magolkipa katika klabu za Yanga, Ihefu FC, Fountain Gate, pamoja na timu mbalimbali za taifa, akiwahimiza na kuwapa maarifa ya kipekee magolkipa wa kizazi kipya.

Muda wa kifo chake umetokana na mashaka ya afya, lakini aliacha historia ya dhahabu ndani ya soka la Tanzania. Mashabiki, wachezaji na wanasoka wenzake wanalilia kifo cha Peter Manyika, huku wakikumbuka mchango wake mkubwa katika kuboresha kiwango cha magolkipa na kusonga mbele soka la Tanzania.

“Bwana ametoka, bwana ametwaa jina lake Lihimidiwe,” walisema watu wa karibu kwake, wakionyesha hofu na majonzi kwa msiba huu mkubwa.

Kifo cha Peter Manyika ni pengo lisilo rahisi kulijaza katika soka la Tanzania, lakini urithi wake wa ujuzi, mafunzo na maadili ya soka utaendelea kuishi kupitia wachezaji aliowaendeleza.