Waziri wa zamani wa mambo ya nje wa Marekani, Hillary Clinton, amelaani hatua ya serikali ya Rais Donald Trump ya “kuficha ukweli” kuhusu namna ilivyoshughulikia faili zinazohusiana na marehemu Jeffrey Epstein, mhalifu wa ngono.
Akizungumza na BBC huko Berlin, alipohudhuria Kongamano la Dunia la Kila Mwaka, Clinton alisema: “Zitoe faili hizo. Wanapeleka jambo hili polepole.”
Ikulu ya White House ilijibu kwa kusisitiza kwamba kutoa faili hizo kulikuwa ni jambo kubwa zaidi kwa waathirika kuliko kile ambacho chama cha Democratic kilikuwa kimefanya.
Hillary Clinton alipohojiwa kuhusu uwezekano wa Andrew Mountbatten-Windsor kuwasilisha kesi mbele ya kamati ya bunge, alisema: “Nadhani kila mtu anapaswa kutoa ushahidi pale panapohitajika.” Aliongeza kwamba kuonekana kwenye faili si dalili ya kosa lolote, na Andrew amekanusha mashtaka yoyote dhidi yake.
Mamilioni ya faili mapya yanayohusiana na Epstein yamewekwa hadharani na Idara ya Sheria ya Marekani mapema mwezi huu, kufuatia Bunge kupitisha sheria inayoitaka idara hiyo kutoa taarifa kamili kuhusu uchunguzi wa Epstein.
Waziri Clinton na mumewe, rais wa zamani Bill Clinton, wamekubali kutoa ushahidi katika uchunguzi wa bunge kuhusu marehemu Epstein. Bill Clinton atahudhuria uchunguzi Februari 27, huku Hillary Clinton akitokea siku iliyotangulia.
Rais Trump amekanusha mara kwa mara madai yoyote ya kosa na kudai kuwa aliachana na Epstein miaka mingi iliyopita. Bill Clinton, ambaye pia amejumuishwa katika faili za Epstein, anasema alikata mawasiliano na Epstein takriban miongo miwili iliyopita.
Instagram
Facebook
Hakuna maoni:
Chapisha Maoni