MOURINHO AFANYA MAZUNGUMZO YA KUWA KOCHA MPYA WA REAL MADRID

Kocha maarufu raia wa Ureno, José Mourinho, anaripotiwa kufanya mazungumzo kuhusu uwezekano wa kurejea kuifundisha klabu ya Real Madrid katika msimu ujao wa mashindano.

Taarifa kutoka vyombo mbalimbali vya michezo barani Ulaya zinaeleza kuwa uongozi wa Real Madrid unaendelea kutathmini mustakabali wa benchi la ufundi huku jina la Mourinho likitajwa miongoni mwa makocha wanaopewa nafasi ya kurejea ndani ya klabu hiyo yenye mafanikio makubwa nchini Hispania.

Mourinho aliwahi kuinoa Real Madrid kati ya mwaka 2010 hadi 2013 ambapo aliisaidia kushinda mataji mbalimbali ikiwemo La Liga. Uzoefu wake mkubwa katika soka la Ulaya unaelezwa kuwa sababu mojawapo inayomfanya kuendelea kuhusishwa na klabu hiyo.

Hata hivyo, hadi sasa hakuna tamko rasmi lililotolewa na Real Madrid wala Mourinho kuthibitisha taarifa hizo, huku mashabiki wakingoja kuona uamuzi utakaochukuliwa kuelekea msimu mpya.