KIFO CHA ASHLEE JENAE: PETE YA UCHUMBA YAPOTEA, FAMILIA YADAI MAJIBU ZAIDI

Familia ya Ashlee Jenae imeendelea kuishi katika sintofahamu huku maswali mengi yakibaki bila majibu kufuatia mazingira ya kifo chake pamoja na kupotea kwa mali zake binafsi, ikiwemo pete ya uchumba. Baba yake, Harry Robinson, amesema licha ya mwili kurejeshwa nyumbani New Jersey, bado familia haijakabidhiwa vitu vyake, hali inayoongeza huzuni na mashaka zaidi. 

Wakati huo huo, uchunguzi unaendelea huku familia ikifanya uchunguzi wa pili wa maiti wakisubiri majibu yatakayoweza kutoa mwanga juu ya kilichotokea. 

Taarifa za kuwepo kwa mzozo kati ya Ashlee na mchumba wake, Joe McCann, kabla ya tukio hilo zimezidi kuwa sehemu muhimu ya uchunguzi, huku familia ikisisitiza kuwa marehemu hakuwa na dalili zozote za kujidhuru.

 Katika hatua nyingine, familia imepanga kusafiri hadi Tanzania kufuatilia kwa karibu uchunguzi huo, wakiamini kuwa kuna ukweli zaidi ambao bado haujawekwa wazi kuhusu kifo cha mpendwa wao.