Katika dirisha la usajili la majira haya ya kiangazi barani Ulaya, jina la mshambuliaji kinda Benjamin Šeško limeendelea kuvuma kwa kasi, huku vilabu viwili vya Ligi Kuu ya England Manchester United na Newcastle United vikihusishwa pakubwa na mchezaji huyo.
Kwa mujibu wa vyanzo mbalimbali vya habari za michezo barani Ulaya, Å eÅ¡ko ambaye kwa sasa anang’ara katika klabu ya RB Leipzig nchini Ujerumani, anatajwa kuwa na mvuto mkubwa kwa vilabu hivyo kutokana na uwezo wake mkubwa wa kufunga, nguvu ya kimwili, na kasi ndani ya eneo la hatari.
Hali ya kutokuwa na uhakika kuhusu mustakabali wa safu za ushambuliaji katika vilabu hivyo viwili imechochea minong’ono kuwa huenda kila upande ukatoa ofa nzito kumshawishi kinda huyo kuchagua upande wao. Manchester United wanatafuta mshambuliaji wa kudumu, huku Newcastle wakitaka kuongeza nguvu kwenye kikosi chao kinachojiandaa kwa msimu wa ushindani mkubwa.
Hadi sasa, hakuna tamko rasmi lililotolewa na Šeško wala Leipzig, lakini dalili zote zinaonesha kuwa huenda vita ya kumsajili mshambuliaji huyo ikaamua hatma ya nani atakuwa na safu kali ya ushambuliaji msimu ujao.
Newcastle wameonyesha nia mpya ya kumsajili beki wa kati wa England, Marc Guehi, kwa ofa ya takriban pauni milioni 40, lakini Crystal Palace wanataka pauni milioni 50 ili kumuachia mchezaji huyo mwenye umri wa miaka 25.
Kocha David Moyes anataka kufanya usajili wa hadi wachezaji sita zaidi kwa ajili ya Everton, ikiwa ni pamoja na viungo wa kati wawili na wachezaji wa pembeni wawili.
Tottenham wameambiwa watalazimika kulipa euro milioni 30 (pauni milioni 26) ili kumsajili kiungo wa Hispania Marc Casado (21) kutoka Barcelona.
🔗 Endelea kufuatilia Madelemo News kwa taarifa rasmi na za kina kuhusu tetesi zote za usajili barani Ulaya.
Instagram
Facebook
Hakuna maoni:
Chapisha Maoni