Rais wa Marekani, Donald Trump, amemwomba Rais wa Israel, Isaac Herzog, kumtendea rehema Waziri Mkuu wa nchi hiyo, Benjamin Netanyahu, kwa kumsamehe kutokana na kesi zinazomkabili.
Kupitia ujumbe aliouandika kwenye jukwaa lake la Truth Social, Trump alisema kuwa Netanyahu ametoa mchango mkubwa katika kuilinda Israel na kuimarisha uhusiano wake na Marekani, hivyo anastahili huruma na msamaha badala ya hukumu kali.
“Benjamin Netanyahu ni kiongozi aliyelitumikia taifa lake kwa muda mrefu na kwa ujasiri mkubwa. Ningependa kuona taifa la Israel likimuonyesha heshima kwa kumsamehe,” aliandika Trump.
Kauli hiyo imeibua mjadala mkubwa ndani na nje ya Israel, ambapo baadhi ya wachambuzi wa masuala ya siasa za kimataifa wamesema kauli ya Trump inalenga kuonyesha uungaji mkono wake wa kisiasa kwa Netanyahu, ambaye anakabiliwa na mashitaka ya rushwa, udanganyifu na matumizi mabaya ya madaraka.
Kwa sasa, kesi dhidi ya Netanyahu bado zipo mahakamani, huku wapinzani wake wakisisitiza kuwa ni lazima sheria ifuate mkondo wake bila kuingiliwa kisiasa.
Trump na Netanyahu wamekuwa na uhusiano wa karibu wa muda mrefu tangu enzi za utawala wa Trump, hususan katika kipindi ambacho Marekani ilihamishia ubalozi wake kutoka Tel Aviv kwenda Jerusalem, jambo lililompa Netanyahu umaarufu mkubwa kisiasa.
Instagram
Facebook
YouTube
Hakuna maoni:
Chapisha Maoni