Ripoti mpya ya Taasisi ya Uhispania ya Uchunguzi wa Ubaguzi wa Rangi na Xenophobia imebaini kuwa asilimia 60 ya maneno ya ubaguzi wa rangi yaliyoripotiwa kwenye mitandao ya kijamii nchini Uhispania yalilenga Lamine Yamal, winga chipukizi wa klabu ya Barcelona.
Kiwango hiki ni mara mbili zaidi ya kile kilichokabiliwa na Vinícius Júnior wa Real Madrid, ambaye pia amekuwa mstari wa mbele kupaza sauti dhidi ya ubaguzi wa rangi.
Ripoti hiyo inabainisha kuwa shambulizi nyingi zilirekodiwa wakati wa hafla ya Ballon d’Or mjini Paris, ambapo Yamal, mwenye umri wa miaka 17, alitukanwa kwa misingi ya rangi na hata kuitwa “mhamiaji haramu.”
Taasisi hiyo inasisitiza kuwa viongozi wa soka na mitandao ya kijamii lazima wachukue hatua za haraka kumlinda Yamal na wachezaji wengine dhidi ya dhuluma za aina hii.
Hali hii inatoa onyo kwa jumuiya ya soka, ikibainisha kuwa dhuluma mtandaoni haziwezi kubaki bila hukumu, na wachezaji chipukizi wanapaswa kupata kinga kamili ya kisheria na kijamii.
Instagram
Facebook
YouTube
Hakuna maoni:
Chapisha Maoni