LIGI KUU SOKA TANZANIA BARA KUENDELEA KESHO KWA MICHEZO MIWILI MIZITO

Ligi Kuu Soka Tanzania Bara itaendelea kesho Jumapili kwa michezo miwili muhimu ambayo yanatarajiwa kuvuta hisia za mashabiki kote nchini.

Katika mchezo wa kwanza, klabu ya Simba SC itawakaribisha Azam FC kwenye Uwanja wa Benjamin Mkapa jijini Dar es Salaam. 

Timu hizo mbili zimekuwa na ushindani mkubwa katika misimu ya hivi karibuni, na mchezo huo unaotarajiwa kuanza saa 11 jioni unabashiriwa kuwa mkali kutokana na malengo ya kila upande kutafuta pointi tatu muhimu kabla ya kumalizika kwa mwaka.

Wakati huo huo, mchezo mwingine utawakutanisha Coastal Union dhidi ya Yanga SC kwenye Uwanja wa Jamhuri, Dodoma. Mchezo huo utaanza saa 1:30 usiku, ukiwa moja ya michezo inayofunga ratiba ya mwaka huu wa kalenda kwa timu hizo.

Michezo hii ni sehemu ya mwendelezo wa mzunguko wa mwisho kwa mwaka 2024, kabla ya ligi kuendelea tena mwanzoni mwa mwaka ujao. Mashabiki wanatarajiwa kujitokeza kwa wingi kuziunga mkono timu zao huku wakisubiri matokeo ambayo yanaweza kubadilisha msimamo wa ligi kuelekea mwaka mpya.

#Official-Isharoja ✍🏾✍🏾