Timu ya Wizara ya Afya ya Tanzania, ikiongozwa na Naibu Katibu Mkuu, Bw. Ismail Rumatila, imehudhuria kwa mafanikio Mkutano wa 76 wa Mawaziri wa Nchi Wanachama wa Jumuiya ya Afya ya Nchi za Mashariki, Kati na Kusini mwa Afrika (ECSA–HC), uliofanyika Ufalme wa Eswatini kuanzia tarehe 3 hadi 5 Februari 2026. Mkutano huo ulitanguliwa na kikao cha Makatibu Wakuu na Maafisa Waandamizi wa Sekta ya Afya, kilichofanyika tarehe 2 Februari.
Katika mkutano huu muhimu, Bw. Rumatila alitoa mwelekeo wa Tanzania wa kupunguza utegemezi wa dawa zinazohitajika kutoka nje ya nchi kwa kuvutia wadau kuwekeza katika viwanda vya ndani vya uzalishaji wa dawa. Hii ni hatua kubwa inayolenga kuimarisha usalama wa dawa na kuongeza ufanisi wa huduma za afya nchini.
Mkutano wa ECSA–HC ulijikita katika kuimarisha ushirikiano kati ya nchi wanachama, kushughulikia magonjwa yasiyoambukiza, pamoja na yale ambayo hayakuwa yakipewa kipaumbele, na kuboresha mazingira ya kazi kwa watoa huduma za afya. Lengo kuu ni kuhakikisha wananchi wote wanapata huduma bora za afya kupitia Bima ya Afya kwa Wote, sambamba na kukabiliana na changamoto za mabadiliko ya sera za ufadhili wa nje.
Hii ilifanikishwa kupitia maazimio nane makuu yaliyoelezwa na nchi wanachama, likiwemo kuongeza ugharamiaji wa huduma za afya na kupunguza utegemezi kwa washirika wa maendeleo. Mwenyekiti wa Mkutano, Waziri wa Afya wa Ufalme wa Eswatini, aliwataka washiriki kuanza utekelezaji wa maazimio haya mara moja, ikionesha ahadi ya pamoja ya kuboresha afya za wananchi wa ukanda huu.
Instagram
Facebook
Hakuna maoni:
Chapisha Maoni