Kocha mkuu wa timu ya taifa ya Ufaransa, Didier Deschamps, amethibitisha kuwa mshambuliaji nyota Kylian Mbappé amepona kikamilifu na yuko tayari kuanza katika mchezo wa nusu fainali ya Kombe la Dunia dhidi ya Hispania.
Akizungumza kuelekea mchezo huo muhimu, Deschamps alisema Mbappé yuko katika hali nzuri ya kimwili na amefikia kiwango cha asilimia 100 cha utimamu, jambo linaloongeza matumaini kwa mashabiki wa Ufaransa wanaotarajia ushindi katika hatua hiyo ya mtoano.
“Kylian amepona na yuko katika hali ya asilimia 100. Yuko tayari kucheza dhidi ya Hispania,” alisema Deschamps.
Kocha huyo pia alizungumzia hali ya kiungo Aurélien Tchouaméni, akieleza kuwa ingawa bado hajafikia kiwango chake bora cha utimamu wa mwili, atakuwa sehemu ya kikosi kutokana na umuhimu wa mchezo huo.
Uwepo wa Mbappé unatarajiwa kuwa nguvu kubwa kwa Ufaransa, ikipewa nafasi ya kuongeza makali katika safu ya ushambuliaji dhidi ya Hispania, huku mashabiki wakisubiri kuona iwapo nyota huyo ataendelea na kiwango chake bora katika mashindano hayo.
Mchezo wa Ufaransa dhidi ya Hispania unatarajiwa kuwa mmoja wa mechi zenye ushindani mkubwa, huku mshindi akifuzu kucheza fainali ya Kombe la Dunia 2026.
Instagram
Facebook
Hakuna maoni:
Chapisha Maoni