Agosti 31 ni Siku ya Kimataifa ya Watu Wenye Asili ya Afrika, maadhimisho yanayolenga kutambua mchango wa watu wenye asili ya Afrika duniani na kuhamasisha usawa, haki za binadamu na kupinga ubaguzi wa rangi.
Kwa mujibu wa Umoja wa Mataifa, zaidi ya watu milioni 200 wenye asili ya Afrika wanaishi katika bara la Amerika, huku wengine wakiwa katika maeneo mbalimbali duniani. Pamoja na mchango wao katika maendeleo ya jamii, baadhi yao bado wanakabiliwa na changamoto za ubaguzi, ukosefu wa usawa wa kiuchumi na kijamii pamoja na vikwazo katika kupata fursa mbalimbali.
Kwa upande wa Afrika, maadhimisho haya yanatoa nafasi ya kuendelea kuhimiza mshikamano, usawa wa fursa na heshima kwa utu wa kila mwanadamu.
Siku hii inatumika pia kuongeza uelewa kuhusu umuhimu wa kupinga ubaguzi wa aina zote na kujenga jamii inayoheshimu tofauti, inalinda haki za binadamu na kuhakikisha kila mtu anapata nafasi sawa ya kushiriki katika maendeleo.
Maadhimisho ya mwaka huu yanatoa wito wa kuendelea kupanua na kulinda haki za binadamu za watu wenye asili ya Afrika duniani.
Instagram
Facebook
Hakuna maoni:
Chapisha Maoni